Si Jesu-Cristo ang Manunubos Nga gisakit ug gidupa sa krus; Nabunog ang mahal niyang lawas Tungod sa atong mga paglapas.
REFRAIN
Namatay Siya tungod kanato, Ang mahigugmaon tang Ginoo, Ang mahal Niyang dugo giula Aron ang tanang sala mapala.
Siyay matuod nga Anak sa Dios Nga gipaanhi sa kalibutan; Kay aron gayud Niya matubos, Ang tanan nga mga katawohan.
Siya ang Cordero nga malumo Nga nakaantus sa kagulanan; Mao man usab Siya'y tuuburan Sa kaluoy ug tanang kaayo.
Ang daghan nga mga balatian Nga ginaatus sa katawohan, Si Jesus nga Ginoo andam man Sa pagayo niini nga tanan.